Тамыз айының 19-ы мен 26-сы аралығында Алматы қаласында алғаш рет студенттер арасында футзалдан Әлем чемпионаты өтеді. Шараға бүкіл әлемнен 25 команда, оның ішінде 16 ер және 9 әйелдер құрама командалары қатысады. Аталмыш чемпионат тек Қазақстанда бірінші рет өткізілгелі тұрған жоқ, бүкіл ТМД елдері тарихында болмаған. Бұл құқықты Қазақстан 2015 жылдың қазан айында алған болатын.

Әлем кубогына Канада, Германия, Франция, Аргентина, Жаңа Зеландия, Польша, Хорватия, Словакия, Чехия, Португалия, Ресей, Украина, Беларусь, Қытай, Израиль және Тайланд елдерінің ең мықты студенттік құрамалары таласқа түсетін болады.

Баршаларыңызды тамыз айының 19-ы мен 26-сы аралығында Алматы қаласында студенттер арасында өтетін футзалдан Әлем чемпионатын тамашалауға шақырамыз.