Экономика және құқық факультетінде экономика негіздерінен олимпиада өтті

25 қарашада С.Аманжолов атындағы ШҚМУ экономика және құқық факультетінің экономика және басқару кафедрасы 10-11 сынып оқушылары арасында экономика негіздерінен олимпиада өткізді. Олимпиадаға он алты мектептен 70 оқушы қатысты.

Бірінші және екінші кезеңдердің нәтижесінде олимпиада жүлдегерлері анықталды:

Гран-при – «Экономика» мамандығы бойынша оқу жылының бірінші жылына университет гранты» - № 19 орта мектептің 11сынып оқушысы Албаев Даулетке берілді.

Дипломдармен марапатталды:

1орын - Кумарбеков Жандос, Қ.Нурғалиев атындағы №43 мектеп;

2 орын - Егорова Анастасия, №2 гимназия;

3 орын - Гончаренко Никита, №34 мектеп –лицей.

Номинация жулдегерлері болды:

«Үздік эссе» - Кучурина А.В., №34 мектеп - лицей, Торғайбек Ерболат, Бобровка орта мектебі.

«Есептерді үздік шешу» - Денисова В.Д., №34 мектеп - лицей, Турсынханова Гулнур, Ш. Уалиханов атындағы №3 мектеп – лицей.

«Экономикадан тесттерді үздік шешу» - Медведева А.С., «Бриг» мектебі, Сергалиева А.Б., №46 орта мектебі.

Сонымен қатар «Экономика және басқару» кафедрасының оқытушылары дайындаған қала мектептері мен гимназиялары мұғалімдеріне арналған «Білім берудің және басқару, экономиканың өзекті мәселелері» атты ғылыми-әдістемелік семинар өткізілді.

Пікірлесу нәтижесінде мектептерде экономикалық пәндерді оқытуда интерактивті әдістерді қолдануды белсендіру және экономиканы тереңдетіп оқытуға бірлесіп жұмыс жасау бағытында келесідей ұсыныстар жасалды: оқушылардың ғылыми және шығармашылық потенциалын дамытуға, С.Аманжолов атындағы ШҚМУ оқытушыларының жетекшілігімен олардың ғылыми жобаларға қатысуларына жағдай жасау; кафедра оқытушылары мен мектеп мұғалімдері бірлесіп экономика бойынша оқушыларға арналған оқу-әдістемелік құралдар және электронды кітаптар дайындау.

Ғылыми-әдістемелік семинарға қатысқан мұғалімдерге сертификаттар тапсырылды.

Экономика және құқық  факультеті