Заң ғылымдарының докторы, қылмыстық құқықтық және қылмыстық процесс кафедрасының доценті, Ішкі істер органдары қызметінің мәселесі бойынша қоғамдық кеңес мүшесі Қуат Қажымұқанұлы кеңестегі белсенді қызметі үшін ІІМ-нің құрмет грамотасымен марапатталды.

Грамотаны бұрынғы ішкі істер министрі, генерал-полковник Қ. Қасымов өз қолымен тапсырды.

ІІМ Қ. Рахымбердиннің қылмыстық саясаттың өзекті мәселелері бойынша ғылыми-тәжірибелік зерттеулерін, облыстағы тұрмыстық зорлық-зомбылықтың және жастар арасындағы қылмыстың алдын алу жөніндегі іске асырған жобаларын жоғары бағалап отыр.

Қуат Қажымұқанұлы ІІМ басшылығына, ШҚМУ ұжымы мен ректоры Мұхтар Төлеген мырзаға көрсеткен қолдаулары үшін алғыс білдірді.

Баспасөз қызметі