Келешек журналистер «Микс» радиосында болды

С. Аманжолов атындағы ШҚМУ журналистика мамандығының студенттері қаламыздағы «Микс» радиосына барып қайтты.

Студенттерді радиожүргізуші Мәдина Айдарханова қарсы алып, радио жұмысымен таныстырды. Ол «бағдарамаларды қалай жүргізу, қонақтармен қандай қарым-қатынас ұстау, микшерлеу пультін басқару, радиожурналистке ғана тән қандай ерекшеліктерге баса мән беру керек» сияқты студенттер қойған сұрақтарға жауап беріп, тәжірибесімен бөлісті.

Әр студент радиожүргізуші орнында мәтін оқып, дыбыс жазды.

– Дауысы жағымды, талапқа сай студенттерді радиоға шақырып тұрамыз, – деген радио қызметкерлері тіпті студенттердің жұмысқа орналасу мүмкіндігі барын да атап өтті.

Кездесу соңында студенттер естелік фотосуретке түсті. Гүлмира Ахметқалиқызы алдағы уақытта студенттердің радиомен тығыз байланыста болатындықтарын айтты. 

Журналистика мамандығының 4-курс студенті