КҮжАТ оқытушылары гуманитарлық колледжде әдістемелік шебер-класс өткізді

30 наурызда Шығыс Қазақстан гуманитарлық колледжінде Университет күні аясында компьютерлік үлгілеу және ақпараттық технологиялар кафедрасының оқытушыларымен «Plickers және Classtools.net  платформаларында жұмыс істеу технологиялары» тақырыбында шебер-класс өткізілді.

Шебер-классқа «Информатика» мамандығы бойынша колледждің болашақ түлектері мен олардың оқытушылары қатысты.

Сабақтың барысында Plickers бағдарламасының мүмкіндіктері мен смартфон арқылы бағалау әдістері көрсетілді. Жаңа оқыту бағдарламасы бойынша топтық жұмыстар орындалды.

Студенттер белсенді қатысып, меңгерген дағдыларын өз жұмыстарында қолдануға тырысты. Профориентациялық жұмыс жүргізу мақсатында студенттермен әңгіме жүргізіліп, буклеттер таратылып, сауалнама толтырылды. Студенттер өздерін қызықтырған барлық сұраұтарға жауап алды.

Шебер-сынып аяқталған соң барлық қатысушыларға сертификаттар ұсынылды.

          Компьютерлік үлгілеу және ақпараттық технологиялар кафедрасы