Мұқтаж оқушыға ШҚМУ-дың оқу гранты табысталды

Қасиетті Рамазан айының қарсаңында №1 орта мектептің түлегі, ата-анасыз төрт баланы тәрбиелеп отырған жетім қыз Жанбота Жақиянова С. Аманжолов атындағы ШҚМУ-дың оқу грантын алды.

Рамазан – қайырымдылық айы. Осыған орай, жетім қызға университет атынан жоғары оқу орнының ректоры М.Ә. Төлеген ШҚМУ-дың оқу гранты түрінде әлеуметтік көмек көрсетті.

Жанботаны стратегиялық даму және ғылыми жұмыс жөніндегі проректор И. Ровнякова да құттықтап, ҰБТ-ны сәтті тапсыруды тіледі.

Мектеп түлегі алдағы 1-қыркүйекте университетке оқуға келеді.

Мұнымен қоса, университет аз қамтылған отбасыға материалдық көмек көрсетті, атап атқанда компьютерлерді, жазу үстелдерін, бетперделер мен антисептиктерді сыйлады. 

Баспасөз қызметі