Error message

  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).
  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).
  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).
  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).

Назарбаев орталығында ғылым, мәдениет және өнер саласындағы үздіктердің есімдері аталды

Бүгін Назарбаев орталығында ҚР Тұңғыш Президенті – Елбасы Қорының 2018 жыл бойынша ғылым, мәдениет және өнер саласында еңбек етіп жүрген ғалым-мамандарға Сыйлық тағайындау шарасы өткізілді. Қазақстанның жаратылыстану, гуманитарлық, техникалық ғылымдарын дамытуға елеулі үлес қосып жүрген ғалымдармен қатар, музыканттар және әртістер салтанатты түрде марапатталды. 

Тұңғыш Президент Қорында бірігей зерттеулер мен үздік жоба авторларын анықтау дәстүрге айналған. Жас ғалымдар мен шығармашыл жастарды қолдау мақсатында 2008 жылдан бері байқау ұйымдастырылып, лауреаттар таңдалады. Конкурс музыка, театр және сурет өнерінің, кинематография, көркем әдебиет, журналистика, физика, математика, инженерлік, қоғамдық және гуманитарлық бағыттар бойынша өткізіледі. Осы күнге дейін 240 маман «лауреат» атанды. Бүгін тағы 18 талапшыл жас қатарды толықтырды. Нәтижесінде аталған конкурс бойынша Тұңғыш Президент Қорында 258 лауреат бар.   

Бүгінгі марапаттау шарасына ҚР Парламенті Сенатының депутаты, Парламент Сенаты Халықаралық қатынастар, қорғаныс пен қауіпсіздік комитетінің төрағасы, Қазақстан Республикасының Тұңғыш Президенті – Елбасы Қорының директоры Дариға Назарбаева, Қазақтандағы шет елдерінің төтенше және өкілетті елшілері, ҚР Парламентінің депутаттары, қоғам қайраткерлері, ғылым мен мәдениет қызметкерлері, ҮЕҰ өкілдері және т.б. қатысты.

Сыйлық тағайындау салтанатты шарасын ашу барысында ҚР Тұңғыш Президенті – Елбасы Қорының директоры Дариға Назарбаева жиналған қауымды келе жатқан Алғыс айту күнімен құттықтады, лауреаттарға алғыс білдірді: «Қордың сыйлығына қатысуда белсенділік танытқан конкурс қатысушыларына алғыс айтамын. Сіздер өздеріңіздің зияткерлік, шығармашылық жұмысыңызбен рухани құндылықтардың нығаюына, ұлттық мәдениеттің дамуына атсалысып, Қазақстан имиджін халықаралық аренада нығайтып жүрсіздер, еліміздің абыройын асқақтатып жүрсіздер. Сіздерге көп рахмет! Баршаңызға денсаулық, сәттілік, қажымас қайрат тілеймін. Тұңғыш Президент Қорының сыйлығы сіздерге өзіңізге деген сенімді одан әрі нығайтып, ең биік шыңға шығуға көмектеседі. Баршаңызға денсаулық, бақыт тілеймін», - деді.

Ғылым саласындағы сыйлық иегерлері:

- Нұрхат Жақиев  – Назарбаев университетінің ғылыми қызметкері, PhD доктор. Сыйлық жылу электр стансаларының қуат тиімділігін 15%  жоғарлататын бірегей көпфакторлы математикалық моделінің жұмысын оңтайландыру зерттеуі үшін тағайындалды;

- Альмира Жылқашинова – С. Аманжолов ат. Шығыс Қазақстан мемлекеттік университетінің аға ғылыми қызметкері, физика-математикалық ғылымдарының кандидаты. Сыйлық деривациялық түрдегі бірегей отандық ұшқышсыз кіші гидроэлектростансасын ойлап тапқаны үшін берілді;

- Арайлы Зәкиева – Семей қ. Шәкәрім ат. Мемлекеттік университетінің Аграрлық факультеті деканының орынбасары, PhD доктор. Сыйлық климат пен топыраққа бейімделетін мол өнім беретін отандық бұршақты дақылдар ойлап тапқаны үшін тағайындалды;

- Динара      Сарыбаева – Қазақ ұлттық аграрлық университетінің аға оқытушысы, PhD доктор. Премия ішек-қарын ауруларын алдын алуға және емдеуге арналған шетелдік препаратты ауыстыратын «Антакон» дәрісін дайындағаны үшін берілді;

- Хайдар Тасыбеков – әл-Фараби ат. ҚазМУ бас ғылыми қызметкері, химия ғылымдарының докторы. Сыйлық Қазақстанның полиметалл кендерінен рений, молибден және вольфрам алу үшін жоғары тиімді импорттық көміртекті сорбентті ауыстыратын зерттемесі үшін;

- Манап Жантасов – М. Әуезов ат. ОҚМУ доценті, техникалық ғылымдардың кандидаты. Премия магистралды мұнай құбырларын даттан қорғау үшін жасалған зерттемесі үшін;

- Эллина Мун – РҚ БҒМ ҒК биотехнология Ұлттық орталығының жетекші ғылыми қызметкері, PhD доктор. Премия онкологиялық дерттердің терапиясында қолданылатын дәрі-дәрмектерді отандық бірегей наножүйелік везикулярлық түрде жеткізуге арналған зерттемесі үшін;

- Нұрбек Нәдіров  – Ана мен бала Ұлттық ғылыми орталығы «UMC» КҚ травматолог-дәрігері, ортопед, PhD доктор.  Премия балалардың омыртқасының деформациясын жөндеуге арналған методиканы ойлап тапқаны үшін берілді.

Мәдениет пен өнер саласындағы үздіктер тізімі:

  • Бауыржан Ақтаев – «Астана сазы» этно-фольклорлық ансамблінің көркемдік жетекшісі. Батыс Қазақстан облысында ұлттық музыка өнерінің дамуына қосқан үлесі үшін марапатталды;

- Дина Мирманова – «Astana Musical» мемлекеттік театрының аккомпаниатор-концертмейстері. Елдің қоғамдық және мәдени өміріне қосқан үлесі үшін, жоғары кәсіби шеберлігі үшін және жоғары шығармашылық белсенділігі үшін марапатталды;        

- Арман Жүдебаев – Кұрманғазы ат. Қазақ ұлттық консерваториясының ректоры, «Дирижерлік» кафедрасының аға оқытушысы. ҚР музыка өнерінің дамуына қосқан үлесі үшін марапатталды;

- Айзада Капонова – «Астана Опера» Мемлекеттік опера және балет театры опералық труппасының солисі, «Құрмет» орденінің Кавалері. Қазақстанның опералық өнері саласындағы жоғары жетістіктері және Республикадағы мәдени өмірдің дамуына қосқан үлесі үшін марапатталды;

- Айгүл Азатова – Түркістан облыстық опера және балет театрының солисі. Түркістан облысындағы опера өнерінің дамуына қосқан үлесі үшін марапатталды;

- Әбілмансұр Серіков – Қуанышбаев ат. Мемлекеттік академиялық қазақ музыкалық-драма театрының актері. Театрда қойылған спектакльдерде басты рөлдерді сомдаған үшін марапатталды;

- Дина Байтасова – «Artios» директоры, «TSE Art Destination» замануи өнер галереясының негізін қалаушы. Қазақстанның замануи сурет өнерінің дамуына қосқан үлесі үшін мараптталды;

- Аққали Зәкіров, Ержан Танаев – «Tigrohaud crew» арт-тобы. Сыйлық Қазақстан бойынша ғимараттардың қасбетті өзгертетін арт-нысандар сериясын дайындағаны үшін табысталды;

- Никита Карев – Ш. Айманов ат. «Қазақфильм» АҚ композитор-музыканты. Отандық кинематографияның дамуына қосқан үлесі үшін марапатталды;

- Дәурен Меркеев – «КТК» АҚ бас директорының орынбасары. Әлеуметтік және мәдени  мәселелерге арналған бейнероликтер мен деректі фильмдерді дайындағаны үшін.

Лауреаттарға диплом, төс белгісі және ақшалай сый берілді.   

Айта кету керек, Тұңғыш Президент Қорының лауреаты қатарында эстрада және киноның белгілі жұлдыздары Димаш Құдайберген, Әсел Сағатова, Әлішер Кәрімов және т.б. бар.

Қазақстан Республикасы Тұңғыш Президенті – Елбасының Қорының баспасөз қызметі

 

Қазақ
× You found a Typo