Error message

  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).
  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).
  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).
  • Warning: Creating default object from empty value in ctools_access_get_loggedin_context() (line 1411 of /var/www/modules/ctools/includes/context.inc).

Облыс әкімі Д. Ахметов С. Аманжолов атындағы ШҚУ-дың абайтанудағы тәжірибесін атап өтті

Облыс әкімі Д. Ахметов халық алдындағы есебі барысында ШҚУ-дың абайтану бағдарламасын жүзеге асырудағы тәжірибесін атап өтті.

Даниал Кенжетайұлы Абайдың 175 жылдығына орай өңірде өткізіліп жатқан іс-шаралар туралы айта келіп, Шығыс Қазақстан университетінің жанында "Абайтану" ғылыми-зерттеу институты құрылғанын атап өтті. Сонымен қатар, облыс мектептерінің 5-8 сынып оқушылары мен колледж студенттері үшін кабинеттер ашылып, элективті курстар енгізілді, "Абай әлемі" кітап сериясын шығару жалғастырылды, облыс театрларында "Абай", "Жас Абай", "Қара сөздер", "Абай жолы" спектакльдері қойылды.

– Мерейтойдың негізгі оқиғалары Семей қаласында "Ұлы ақын Абай ұлдарымен" ескерткішінің салтанатты ашылуы және Мемлекет басшысының абайтанушылармен кездесуі болды. 200-ге жуық іс-шаралар мен жобалар, оның ішінде 71 инфрақұрылымдық жоба іске асырылды. Абай жылының барлық іс-шаралары ақын мен ағартушының шығармашылығын сақтауға және насихаттауға, оның идеяларын қазақстандықтардың жаңа буынына патриоттық тәрбие беруде пайдалануға, тарихи-мәдени мұра ескерткіштерін сақтауға, Семей қаласының туристік инфрақұрылымын және Абай ауданының ескерткіш орындарын жақсартуға бағытталды, – деді облыс әкімі.

Есептік кездесу заманауи коммуникация құралдары мен Facebook, Instagram, YouTube әлеуметтік желілерін қолдана отырып, онлайн форматта ұйымдастырылды.

Бұдан басқа, кездесу облыстық "Altai" телеарнасында тікелей эфирде көрсетілді.

Баспасөз қызметі

Қазақ
× You found a Typo