Психология және коррекциялық педагогика кафедрасында «Мен Тәуелсіз ел ұрпағымын» тәрбие сағаты өтті

С.Аманжолов атындағы ШҚУ Психология және коррекциялық педагогика кафедрасының кураторлары «Дефектология» және  «Психология» білім беру бағдарламалары бойынша оқитын 1 және 2 курс студенттерімен «Мен Тәуелсіз ел ұрпағымын» онлайн тәрбие сағатын өткізді.

Кураторлық сабақта студенттер мультимедиялық презентациялар мен слайдтар арқылы тәуелсіз елдің және осы елдегі өздерінің жетістіктерін көрсетуге тырысты.

– Ғасырлар бойы ата-бабамыз аңсаған Тәуелсіздікке бүгінгі ұрпақтың қолы жетті. Тәуелсіздіктің арқасында іргеміз бүтінделіп, еңсеміз көтерілді. Ұлы дала төсінде ынтымақ пен береке орнады. Бүгінгі жетістіктеріміз – еліміздің өркениетті дамуының  нәтижесі, озық білім мен ғылымды игерген жастар – еліміздің ертеңгі тірегі! – дейді рухани тағылымға мол тәрбие сағатын қорытындылаған жастар.

Психология және коррекциялық педагогика кафедрасы