Студенттер «Серпін» бағдарламасы түлектеріне облыста еңбек еткен жағдайда ұсынылатын әлеуметтік қолдау шаралары туралы ақпарат алды. Университеттің жұмыс беруші серіктестері «Серпіннің» әр түлегіне тұрақты жұмыс табылатынын атап көрсетті. Мәселен, білім басқармасының ақпаратына сәйкес облысқа 460 педагог қажет.

Жастар университет басшылығы мен оқытушыларына сапалы білім, шығармашылық дамуға берілген мүмкіндіктер үшін алғыс білдірді.

Биыл ШҚМУ-ды 171 «серпіндік» студент бітіреді, олардың 125-і педагогикалық, 46-сы техникалық мамандықтарды меңгерген.

Кездесу соңында университет ректоры және атқарушы органдар өкілдері белсенді студенттерді алғыс хаттармен марапаттап, табыс тіледі.