ШҚМУ-да «Ұлттық рухани құндылықтар және ұлы даланың жеті қыры» дәрісі өтті

25 қазан күні  С. Аманжолов атындағы ШҚМУ-да «Ұлттық рухани құндылықтар және ұлы даланың жеті қыры» тақырыбында дәріс өтті.

Ақпарат және қоғамдық даму министрлігі мен Азаматтық бастамаларды қолдау орталығының мұрындық болуымен дәріс Шығыс Қазақстан облысы бойынша ШҚМУ-да өтті.

Оны «Адырна» ұлттық этнографиялық бірлестігі «Рухани жаңғыру» бағдарламасы мен «Дәстүрлі рухани құндылықтар» жобасы аясында өткізді. Дәрісті Яссауи атындағы халықаралық қазақ-түрік университетінің Phd-докторы Бауыржан Ботақараев жүргізді.

Дәрісте «Ұлы даланың жеті қыры» мақаласы аясында қазақ тарихы, қазақ жерінде пайда болған мәдениет пен өркениттер, салт-дәстүрлер жайлы әңгіме қозғалып, дәріс соңы еркін форматқа ауысты. Студенттер ашық пікір алмасып, сұрақтарына жауап алды.

Тәрбие жұмысы және әлеуметтік мәселелер бөлімі