ШҚМУ қызметкері «Жеңіс үшін рақмет!» бүкілресейлік онлайн-фестиваліне қатысуда

С.Аманжолов атындағы ШҚМУ тәрбие жұмысы және әлеуметтік мәселелер бөлімінің мәдени ұйымдастырушысы Ерлан Қалиасқарұлы Чукатаев «Жеңіс үшін рақмет!» ашық бүкілресейлік интернет-фестиваль байқауына қатысуда. Ол өзінің «Соғыстың соңғы жауынгеріне» өлеңімен «Авторлық өлеңдер мен проза» номинациясында бақ сынап көрмек.

«Жеңіс үшін рақмет!» ашық бүкілресейлік онлайн-фестивалі конкурсының ұйымдастырушысы – «Бірінші арна. Бүкіләлемдік желі» АҚ (Мәскеу қ.).

Байқаудың мәні – әдеби немесе музыкалық шығармаларды (әндер, өлеңдер, каверлер, проза) ұсыну және оларды орындау.

Финалистер мен жеңімпаздар Ұлы Отан соғысындағы Жеңістің 75 жылдығына арналған концерттің бағдарламасына енгізілуі мүмкін.

Байқау 9-сәуір мен 8-мамыр аралығында өтеді.

Жеңімпаз онлайн дауыс беру арқылы анықталады.

Онлайн дауыс беру spasibo.pobeda.tv сайтында жүзеге асырылады.

Сілетемесі – spasibo.pobeda.tv https://spasibo.pobeda.tv/index?n=poetry_author#list

Біздің қатысушымызға дауыс беріңіздер!

Баспасөз қызметі,

Тәрбие жұмысы және әлеуметтік мәселелер бөлімі