ШҚМУ мен Ұлттық ядролық орталық ынтымақтастық туралы шарт жасасты

С. Аманжолов атындағы ШҚМУ мен Қазақстан Республикасы Ұлттық ядролық орталығы (Курчатов қ.) ынтымақтастық туралы шартқа қол қойды.

Тараптар ұзақмерзімді ынтымақтастық үшін ғылыми, оқу-әдістемелік және материалдық-техникалық әлеуетті біріктіруге ниетті.

Іскерлік әріптестікті бірнеше бағыттар бойынша дамыту жоспарлануда: ғылыми-зерттеушілік және ғылыми-өндірістік қызметтің түрлі салаларындағы ынтымақтастық; тараптардың өзара мүдделі жобалар мен бағдарламаларға бірлесе қатысуы; ғылыми-тәжірибелік конференцияларды және ғылыми семинарларды, дөңгелек үстелдерді және жазғы мектептерді өткізу; ШҚМУ студенттері мен магистранттарын «ҚР ҰЯО» РМК базасында оқу, өндірістік, дипломалды іс-тәжірибе түріндегі кәсіби дайындауды ұйымдастыру. 

Қызметтің жалпы түрлері қатарында ғылыми-зерттеу жұмыстарын орындау үшін ғылыми зертханаларды ұсыну, дәрістер оқу және практикалық сабақтар мен семинарлар өткізу үшін ғалымдармен алмасу, отандық және халықаралық басылымдарда және басқаларда материалдарды бірлесе жариялау бар.

Шарт 5 жыл бойы әрекет етеді.

Баспасөз қызметі