Жастар жылы аясында С. Аманжолов атындағы ШҚМУ Жаратылыстану ғылымдары жəне технологиялар факультетінің ұйымдастыруымен «21 ғасыр көшбасшысы» сайысы өтті.

Ойын мақсаты – білімді де білікті, зерек студенттерді анықтау, ойы жүйрік, танымдық деңгейі жоғары жастардың дарынын ашу, белсенділігін арттыру, білімдерін көтеру.

Зияткерлік ойында студенттер интеллектуалдық қабілеттерін, сұраққа жауап беру, көпшілік алдында өзін-өзі дұрыс ұстау қасиеттерін көрсетті. Қорытындысында I орынды Тарих, филология және халықаралық қатынастар факультетінің студенті Ержан Нұржақып, II орынды Экономика және құқық  факультетінің студенті Шыңғыс Абжатов, III орынды Жаратылыстану ғылымдары және технологиялар факультетінің студенті Сара Сералы иеленді.

Жаратылыстану ғылымдары жəне технологиялар факультеті