ШҚМУ түлегі, «AMpro & SteepNoise» дуэтінің мүшесі Алишер Мишелев музыкалық жоба әзірлеуде

Былтыр  «Delicious» әнін таныстырған «AMpro & SteepNoise» дуэті, жаңа музыкалық жоба дайындауда. 

Жас энтузиасттардың бірінші әні көптің көңілінен шығып, тіпті шетелде өз тыңдармандарын тапқан болатын. 

Қазақтың дәстүрлі аспаптары мен заманауи электронды-ырғақты музыканы қосып дайындап жатқан жаңа әндері де өз тыңдармандарын табады деген ойдамыз. Өйткені, олардың әндерінде Отанға деген ыстық махаббат, арманға сену және өмірлік мотивациялар бар. 

-Әрине, кейбір композицияларда махаббатсыз, әзіл-қалжыңсыз және басқа да жастар тақырыбынсыз болмады. Дегенмен оның барлығы әзірге дайындық үстінде, - деді ШҚМУ түлегі Алишер Мишелев. 

Айта кету керек, жаңа жобадағы ән, С. Аманжолов атындағы ШҚМУ-дың «Altai jastary» телестудиясында жазылды. 

Толығырақ алдағы уақытта білетін боламыз, әзірге олардың бұған дейін жасаған композицияларын тыңдап көрулеріңізге болады. 

 www.youtube.com/watch?v=GKel81-77-U

Дуэттің жаңа туындысын асыға күтетін боламыз, оған дейін талантты жастарға сілтеме арқылы өтіп, қолдау көрсетейік.

(www.youtube.com/watch?v=GKel81-77-U) 

Шығыс Қазақстанның дарынды жастарының композициялары қалың көпшілікке таныстырылсын! 

Баспасөз қызметі