Алашорданың 100 жылдығына орай Ұлан ауданында ұйымдастырылған дүбірлі айтысқа елімізге белгілі Р.Зайтов, М.Сұлтанхан, Г.Зұлқаршын, Қ.Байжұманов, М.Ақанов,А.Шұғатаевпен қатар оқу орнымыздың түлектері Еркін Қуаныш пен Нұржан Қайратұлы қатысты.

Қазақстан жазушылар одағы облыстық филиалының төрағасы, белгілі қаламгер Ә.Қаңтарбаев бастаған қазылар алқасында С.Құсанбаев, А.Кәкенов, С.Жақиянов, М.Тастағанов, Н.Тілеужанұлы болды.

Айтыс барысында Еркін Қуаныш пен Нұржан Қайратұлының сөз шеберлігі, суырып салма ақындығы халықты тәнті етті. Өскемен өңірінде айтыскер ағаларның көшін осы қос ақын жалғастыратынына жұрт сенім білдірді.

Айтыс қорытындысы бойынша бас жүлдеге Ринат Зайтов, I орынға Аспанбек Шұғатаев, II орынға Мейірбек Сұлтанхан, III орынға С.Аманжолов атындағы ШҚМУ-дың 2016 жылғы түлегі Еркін Қуаныш ие болды.

Тәрбие жұмысы және әлеуметтік

мәселелер жөніндегі бөлім