ШҚО-да БАИ-дың 70 жылдығына арналған республикалық ғылыми-тәжірибелік конференция өтті

Педагогикалық қызметкерлердің біліктілігін арттыру институтының 70 жылдығына арналған «Білім беру мазмұнын жаңарту жағдайында педагогикалық қызметкерлердің біліктілігін арттыру: тәжірибесі және келешегі» атты республикалық ғылыми-тәжірибелік конференция ШҚМУ-дың әкімшілік ғимаратында болып өтті.

Ұйымдастырушысы – «ӨРЛЕУ» БАҰО АҚ филиалы Шығыс Қазақстан облысы бойынша педагогикалық қызметкерлердің біліктілігін арттыру институты.

Конференция С. Аманжолов атындағы ШҚМУ-дың әкімшілік ғимаратында өтті. Республикалық конференция жұмысына ШҚМУ стратегиялық даму және ғылыми жұмыс жөніндегі проректоры Ирина Ровнякова қатысты.

Ұйымдастырушылардың айтуынша, конференцияның мақсаты – қазіргі жағдайдағы педагогтар біліктілігін арттыру мәселесін ғылыми тұрғыда зерделеу, өткен кезеңдердің қорытындысын шығару.

Суреттер мына сілтемеде:  https://cloud.mail.ru/public/78aN/GKdzyzcUL

Баспасөз қызметі