ШҚУ-да «Адалдықты мұра еткен ұлы Абай» атты бейнедәрістер циклы әзірленетін болады

Парасаттылық идеологиясын насихаттау мақсатында С. Аманжолов атындағы ШҚУ-дың «SANALY URPAQ» фронт-офисі «Абайтану» ғылыми-зерттеу институтымен бірлесіп «Адалдықты мұра еткен ұлы Абай» тақырыбында бейнедәрістер циклын әзірлемек.

Естеріңізге сала кетейік, ЖОО-да «Парасатты университет» жобасы іске асырылуда, оның тұжырымдамалық өзегі – ұлы Абай мұрасына негізделген парасаттылық идеологиясы.

Жақында университетте құрылған «Абайтану» ғылыми-зерттеу институты «Парасатты университет» жобасын толыққанды іске асыруға ықпал етіп, жастардың сыбайлас жемқорлыққа қарсы мәдениетін қалыптастыру міндеттерін шешуге кешенді көзқарасты қамтамасыз етеді.

«Парасатты университет» жобасы Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаментімен, «Нұр Отан» партиясымен және «SANALY URPAQ» республикалық жобалық кеңсесімен серіктестікте жүзеге асырылуда.

Баспасөз қызметі