ШҚУ педагогикалық мамандықтарға түсушілер үшін құжаттар қабылдауды және арнайы емтихан өткізуді жалғастыруда

С. Аманжолов атындағы Шығыс Қазақстан университеті «Педагогикалық ғылымдар» білім беру бағдарламаларына (мамандықтарына) түсушілер үшін құжаттарды қабылдауды және арнаулы емтихан (педагогикалық жағдаятты шешу) өткізуді жалғастыруда.

Оқуға түсушілерге ескертеміз:

1. университет www.vkgu.kz сайтындағы «Талапкер-2020» бөлімінде онлайн тіркеуден өту талап етіледі;

2. «Талапкер-2020» бөлімінде «Құжаттар тапсыру үшін талапкерлерге онлайн-форматта кеңес беру» құжатының ішінде өз мамандығы бойынша қабылдау комиссиясының техникалық хатшысымен байланысып, арнаулы емтиханнан өтуге сілтеме алу керек;

3. сілтемеде көрсетілген емтиханның күні мен уақыты бойынша  ZOOM конференциясына кіру қажет.

Ескерту: арнаулы емтиханның нәтижесі болмаса, талапкер 2020 жылдың 13-20 шілдесі аралығындағы білім беру грантын тағайындау конкурсына қатысуға жіберілмейді.

Университеттің қабылдау комиссиясы