Жоғары колледжде онлайн ата-аналар жиналысы өтті

С.Аманжолов атындағы ШҚУ Жоғары колледжіндегі ата-аналар жиналысы әр оқу тобында қашықтық форматта өткізілді.

Аталған іс-шаралар колледждің тәрбие жұмысы жоспарына сәйкес жүргізіледі.

Жиналыстың күн тәртібінде студенттердің үлгерімі, оқу процесінің кестесі, бітіруші курс студенттері үшін жұмысқа орналасу және ЖОО-ға түсу мәселелері қаралды.

Әр жиналысқа куратор мен ата-аналардан басқа, осы топта сабақ өткізетін барлық оқытушылар, сондай-ақ колледж әкімшілігі қатысты.

Жиналыс кезінде ата-аналар студенттердің кәсіптік практикадан өту мәселелеріне және сабақтарды қашықтан өткізу ерекшеліктеріне көбірек қызығушылық танытты. Ата-аналардың барлық сұрақтарына жауаптар берілді.

Жоғары колледж