- Қазақ
- Русский
- English
- Qazaq tili
Шетел азаматтарына арналған іскерлік қазақ тілі курсының бірегей бағдарламасы
C. Аманжолов атындағы Шығыс Қазақстан мемлекеттік университеті
«Іскерлік қазақ тілі» бағдарламасы бойынша курстық дайындық
Әлемдік нарықтағы интеграциялық процесстер, қаражат пен білікті мамандардың мемлекеттер арасындағы еркін қозғалысы жағдайында С.Аманжолов атындағы Шығыс Қазақстан мемлекеттік университеті Қазақстанда алғаш рет Шетел азаматтарына арналған іскерлік қазақ тілі курсының бірегей бағдарламасын ұсынып отыр.
Іскерлік қазақ тілі курсының мақсаты: Шетел азаматтарына бизнеспен айналысу, білім алу, қарым қатынас жасау үшін қазақ тілін жеткілікті деңгейде меңгеруге мүмкіндік жасау.
Халықаралық нарықтағы сұраныс динамикасын ескере отырып дайындалып, мазмұнына кәсіпкерлік идеялары кіріктірілген инновациялық курс шетел азаматтарына қазақ тілін әлемдік стандарттарға сәйкес барлық деңгейлерде меңгертуді көздейді.
Біз ұсынатын мүмкіндіктер
- Жоғары білікті оқытушылар;
- Әрбір тыңдаушының жеке жағдайын ескеру;
- Жаңаша әдебиеттермен қамтамасыз етілген, ғаламтор желісіне қосылған бай кітапхана қоры;
- Замануи оқу технологияларын қолдану;
- Заманауи құралдармен жабдықталған дәрісханалар;
- Рөлдік ойындар мен іскерлік тренингтер ұйымдастыру;
- Жайлы жатақханамен қамтамасыз ету;
- Таңдау бойынша 3, 6 және 10 айлық оқу мерзімі;
- Қазтестке дайындық (тыңдалым, оқылым, жазылым, айтылым);
- А1, А2, В1, В2 деңгейлеріне сәйкес базалық негізгі қазақ тілін меңгеру;
- С1, С2 деңгейлеріне сәйкес арнайы академиялық мақсаттағы қазақ тілін меңгеру
- Ауызша, жазбаша ресми іс қағаздары тілін меңгеру;
- Тіл арқылы ұлттың әдебиеті, тарихы, мәдениеті, өнері, діні, саясаты т.б. жөнінде білімдерін тереңдету.
Курс соңында бекітілген үлгідегі сертификат беріледі.
Сіздерді серіктестікке шақырамыз!
Байланыс телефондары
| Қазақ тілі мен әдебиеті кафедрасының меңгерушісі | Курманбаева Шынар Капантаевна, педагогикалық ғылымдар докторы Крылов к, 72, 312 каб (ШҚМУ 9 оқу корпусы) Тел. 8 (7232) 25-23-07 |
|---|---|
| Деканат | Өскемен қ. 30-Гвардиялық дивизия к, (ШҚМУ бас корпусы) Тел. 8 (7232) 54-05-85 |
Курстық дайындықтың 3 айлық курстық құны 200 АҚШ доллары, медициналық сақтандыру және тұруды есепке алмағанда