Құрылымдық бөлімше тарихы:

«Зияткер» ғылыми-білім беру орталығының Ережесіне сәйкес оның қызметінің негізгі мақсаты іргелі, ізденіс және қолданбалы ғылыми зерттеулерді жүргізуде, олардың нәтижелерін коммерцияландыруда, ғылыми зерттеулер мен оқу үрдісін біріктіретін және дамытатын жаңа бағдарламалар, технологиялар мен әдістерді әзірлеуде құрылымдық бөлімшелердің ғылыми-педагогикалық әлеуетін ықпалдастыру негізінде психология және педагогика ғылымдары салаларында жас мамандарды және жоғары білікті мамандарды жоғары сапалы дайындау, білім беру үрдісін әдістемелік қамтамасыз ету, ынтымақтастықты дамыту болып табылады.

Осыған байланысты «Зияткер» ҒБО әртүрлі бағыттарда қызмет етеді.

Ғылыми қызмет саласында:

• педагогика, психология, коррекциялық педагогика және басқа білім беру салаларында ғылыми зерттеулер жүргізу;
• ҒБО жұмысы тақырыбы жөнінде ғылыми зерттеулер мен білім беру салаларында ынтымақтастықты дамыту;

Білім беру саласында:

• ЖОО оқу-тәрбие үрдісін әдістемелік қамтамасыз ету;
• практикумдар, семинарлар, біліктілік арттыру курстарын өткізу;
• ҒБО тақырыбы жөнінде студенттерді, бакалаврларды, магистранттарды дайындауда іс-тәжірибеге бағытталуды күшейту;

Кеңес беру қызметі саласында:

• білім беру саласы көкейтесті мәселелері бойынша ғылыми, әдістемелік, сараптамалық және өзге кеңестер беру.

Құрылымдық бөлімше құрылымы:
«Зияткер» ҒБО құрамына келесі құрылымдық бөлімшелер кіреді:

• Шығыс Қазақстан облысы білім беру тарихы мұражайы;
• білім берудегі жаңашылдықтар зертханасы;
• сенсорлық даму зертханасы;
• сөйлеуді түзету зертханасы;
• психологиялық кеңес беру кабинеті.

Орталықта білім беру үрдісінде заманауи диагностикалық аспаптар пайдаланылады: «Дэльфа» логопедиялық жаттықтыру құралы, аудиометр, «Қараңғы сенсорлық бөлме», БКБ(биологиялық кері байланыс).